मनोरंजन

कॉमन मॅन गेला पण प्रश्न तेच. राज ठाकरे यांच्या हस्ते अखिल भारतीय मराठी कार्टूनिस्ट संमेलनाच्या लोगोचे अनावरण, डिसेंबरमध्ये पुण्यात संमेलन

पुणे. R K Laxman यांचा कॉमन मॅन आज नाही पण सामान्य माणसाचे प्रश्न आजही तेच आहेत. या भावनेतून होणाऱ्या अखिल भारतीय मराठी कार्टूनिस्ट संमेलनाच्या लोगोचे अनावरण मनसे प्रमुख राज ठाकरे यांच्या हस्ते झाले. स्वतः कार्टूनिस्ट असलेल्या राज ठाकरे यांच्या उपस्थितीमुळे या आयोजनाला वेगळे महत्व आले.हे तीन दिवसांचे संमेलन २५ ते २७ डिसेंबर या काळात बालगंधर्व रंगमंदिरात होणार आहे. संमेलनात कार्टून कार्यशाळा, देशभरातून आलेल्या मराठी कार्टूनिस्टांची सादरीकरणे, परिसंवाद, कार्टून प्रदर्शन आणि पुरस्कार सोहळा असे आयोजन आहे.AI च्या युगात कार्टूनिस्टांसमोर नवी आव्हाने आहेत. माध्यमे बदलतील आणि साधने बदलतील पण सामान्य माणसाचे प्रश्न जोपर्यंत आहेत तोपर्यंत त्यांना वाचा फोडणाऱ्या कार्टूनची गरज कायम राहील असा सूर या वेळी उमटला.